Rasistar lýðskrumarar eða hvað ?

 

                                                  Málefni innflytjenda

 

Í allri þessari orrahríð um auglýsingu Frjálslynda flokksins og að mínu mati þeirri óábyrgu umræðu í kjölfar hennar vill ég taka fram eftirfarandi samþykkt á Landsþingi Frjálslynda flokksins 26-27 janúar síðastliðinn um málefni innflytjenda.

Frjálslyndi flokkurinn metur mikils vinnuframlag erlends fólks við uppbyggingastarf í íslensku samfélagi síðustu misseri.

Margt að þessu fólki mun dvelja hér langdvölum og ber samfélaginu skylda til að veita því stuðning og hjálp til að aðlagast íslensku samfélagi m.a. með íslenskukennslu.

Frjálslyndi flokkurinn telur afar nauðsynlegt að stjórnvöld hafi fullt eftirlit með komu erlends verkafólks inn á vinnumarkaðinn og tryggi að réttur þess sé virtur og aðbúnaður mannsæmandi. Flokkurinn telur að fólk sem hingað kemur eigi að geta notað sína menntun og fagþekkingu á innlendum vinnumarkaði,enda sé fullgildum skírteinum framvísað ( það vantar mikið upp á að þetta sé virt )

Frjálslyndi flokkurinn Mun þó beita sér fyrir að undanþága sú sem samið var um í EES-samningnum varðandi innflutning verkafólks frá aðildarlöndum EES, verði nýtt og innflutningur takmarkaður ,í samræmi við ákvörðun íslenskra stjórnvalda . 

Yfirvöld verða á öllum tímum að hafa stjórn á því hverjir og hvað margir innflytjendur koma til landsins . Jafnframt ber að sækja hér um dvalarleyfi,að skuldbynda sig til að hlíta íslenskum lögum og stjórnarskrá.

Frjálslyndi flokkurinn varaði á Alþingi við afleiðingum þess að nýta ekki undanþáguákvæði um frjáls streymi fólks frá nýju aðildarlöndum Evrópusambandsins til landsins. Ríkisstjórnin neitaði að hlusta á þau varnarorð sem þingmenn Frjálslynda flokksins höfðu uppi ,auk þess sem ríkisstjórnin  vanrækti að marka stefnu í málefnum innflytjenda

Ekkert gerðist í þessum málum fyrr en Frjálslyndi flokkurinn hóf umræður um innflytjendamál sl.haust.

Íslenskt þjóðfélag er að breytast í fjölmenningaþjóðfélag og er afar mikilvægt að nýir borgarar aðlagist samfélaginu og kynnist menningu þjóðarinnar og tungu

Ef einhver getur bent mér á með rökum að í þessari ályktun sé að finna rasistatal eða lýðskrum þá væri gott að hann léti í sér heyra og líka hvernig sá hinn sami vill sjá þessa hluti í framtýðinni