Grétar Pétur Geirsson

18.5.2007 | 13:04

Snilldarleikur Jóhannesar í Bónus

Máttur auglýsinganna er mikill

Það gekk eftir það sem Jóhannes í Bónus ætlaði sér með auglýsingunum sínum í öllum blöðum rétt fyrir kosningar um að hvetja fólk til að strika Björn Bjarnason út af lista Sjálfstæðisflokksins Þarna sýndi hann mikla herkænsku þarna sló hann tvær flugur í sama höfuðið eins og Laddi myndi orða það. Þarna tókst honum að fá fullt af fólki til að kjósa Sjálfstæðisflokkinn eingöngu til að sýna honum samstöðu gegn Birni.

Fólk sem að öllu jafna hefði ekki kosið flokkinn en gerði það til að taka undir orð Jóhannesar.

Björn fékk rúmlega tvö þúsund og fimmhundruð útstrikanir ætla má að í það minnsta hafi helmingur þess fólks bara kosið flokkinn til að láta í ljós óánægju sína með vinnubrögð Björns gegn Baugi. Alla jafna hefðu þessir aðilar kosið aðra flokka. Að því gefnu hefði þessi stjórn fallið og Geir færi ekki með það umboð sem hann stýrir í dag. Þetta var besta auglýsing sem Sjálfstæðisflokkurinn gat fengið og var hún þess valdandi að stjórnin hélt velli.Auglýsingarnar beindust bara að Birni en ekki að flokknum sjálfum enda Jóhannes Sjálfstæðismaður Þannig honum tókst það sem hann ætlaði sér Björn var færður niður á listann og Sjálfstæðisflokkurinn bætti við sig mönnum. Jóhannes hefur löngum verið klókur í viðskiptum þarna sannaðist það svo ekki verður um villst .Þarna sýndi sig líka að eiga peninga getur haft mikil áhrif á pólitíkina það er óumdeilt

Flokkur: Bloggar | Breytt s.d. kl. 21:37 | Facebook

Athugasemdir

Þetta er nú býsna athyglisverð ályktun félagi. Magnað að sjá að sæmilega stöndugur utanbæjarmaður hefur meiri áhrif innan Sjálfstæðisflokksins en ráðherra flokksins og fyrrum ritstjóri Moggans. En tölurnar tala sínu máli.

Árni Gunnarsson, 18.5.2007 kl. 20:00